ಭಾರತೀಯ SARS-CoV-2 ಕನ್ಸೋರ್ಟಿಯಂ ಆನ್ ಜೀನೋಮಿಕ್ಸ್ (INSACOG) ಕೋವಿಡ್-19 ಪ್ರಕರಣಗಳ ಹೆಚ್ಚಳದ ಬಗ್ಗೆ ಎಚ್ಚರಿಕೆ ನೀಡಿದೆ. ಕೊರೊನಾವೈರಸ್ನ ಓಮಿಕ್ರಾನ್ ರೂಪಾಂತರ ಮತ್ತು ಅದರ ಉಪ ತಳಿಗಳು ದೇಶದಲ್ಲಿ ಪ್ರಬಲವಾದ ರೂಪಾಂತರವಾಗಿ ಮುಂದುವರೆದಿದೆ ಎಂದು ಅದು ಹೇಳಿದೆ. BA.2 ಮತ್ತು ಅದರ ವಂಶಾವಳಿಗಳು, ನಿರ್ದಿಷ್ಟವಾಗಿ, BA.2.75 ಪ್ರಕರಣಗಳು ಭಾರತದ ವಿವಿಧ ಭಾಗಗಳಲ್ಲಿ ಕಳೆದ ವಾರದಲ್ಲಿ ಹೆಚ್ಚು ಕಂಡುಬಂದಿರುವುದಾಗಿ ಎಂದು INSACOG ಭಾನುವಾರ ಹೇಳಿದೆ. ಜಾಗತಿಕವಾಗಿ, ಕೋವಿಡ್-19 ರ ಜೀನೋಮಿಕ್ ಪ್ರೊಫೈಲ್‌ನಲ್ಲಿ ಹಲವಾರು ಬದಲಾವಣೆಗಳಾಗಿವೆ. ಇದು BA.1 ಮತ್ತು BA.2 ನೊಂದಿಗೆ ಪ್ರಾರಂಭವಾಗಿದ್ದು ನಂತರ Omicron ನ ಅನೇಕ ಉಪ ತಳಿಗಳು ಪ್ರಪಂಚದಾದ್ಯಂತ ಪ್ರಾಬಲ್ಯ ಸಾಧಿಸಿದವು. ದೇಶದಲ್ಲಿ ಈಗ ಇರು ಉಪ ತಳಿಗಳಲ್ಲಿ ತ್ವರಿತ ಬದಲಾವಣೆಯಾಗಿದೆ. ವಿಜ್ಞಾನಿಗಳು ವೈರಸ್‌ನ ತೀವ್ರತೆಯ ಬಗ್ಗೆ ಅಧ್ಯಯನ ಮಾಡುತ್ತಿದ್ದಾರೆ. ಇತ್ತೀಚೆಗೆ, ವಿಶ್ವ ಆರೋಗ್ಯಸಂಸ್ಥೆಯ ಮುಖ್ಯ ವಿಜ್ಞಾನಿ ಡಾ ಸೌಮ್ಯಾ ಸ್ವಾಮಿನಾಥನ್ ಕೆಲವು ದೇಶಗಳು Omicron ನ XBB ಸಬ್‌ವೇರಿಯಂಟ್‌ನೊಂದಿಗೆ “ಮತ್ತೊಂದು ಅಲೆಯನ್ನು” ನೋಡಬಹುದು ಎಂದು ಹೇಳಿದರು.
ಓಮಿಕ್ರಾನ್‌ನ 300 ಕ್ಕೂ ಹೆಚ್ಚು ಉಪವಿಭಾಗಗಳಿವೆ. ಈಗ ಪ್ರಬಲವಾಗಿರುವ XBB ಮರುಸಂಯೋಜಿತ ವೈರಸ್ ಎಂದು ನಾನು ಭಾವಿಸುತ್ತೇನೆ. ನಾವು ಈ ಹಿಂದೆ ಕೆಲವು ಮರುಸಂಯೋಜಕ ವೈರಸ್‌ಗಳನ್ನು ನೋಡಿದ್ದೇವೆ. ಇದು ಪ್ರತಿರಕ್ಷಣಾ ವ್ಯವಸ್ಥೆಯಿಂದ ಪಾರಾಗುತ್ತದೆ.ಆದ್ದರಿಂದ ಸ್ವಲ್ಪಮಟ್ಟಿಗೆ ನಾವು XBB ಯ ಕಾರಣದಿಂದಾಗಿ ಕೆಲವು ದೇಶಗಳಲ್ಲಿ ಸೋಂಕಿನ ಮತ್ತೊಂದು ಅಲೆಯನ್ನು ನೋಡಬಹುದು ಎಂದು ಅವರು ಹೇಳಿದರು.
ಕೋವಿಡ್-19 ಅಂತರಾಷ್ಟ್ರೀಯ ಕಾಳಜಿಯ ಸಾರ್ವಜನಿಕ ಆರೋಗ್ಯ ತುರ್ತುಸ್ಥಿತಿಯಾಗಿ ಮುಂದುವರಿದಿದೆ ಎಂದು ಅವರು ಹೇಳಿದರು. ಅಕ್ಟೋಬರ್ 20 ರಂದು, ಸ್ವಾಮಿನಾಥನ್ ಅವರು ಜಾಗತಿಕವಾಗಿ ಪ್ರತಿ ವಾರ 8,000 ರಿಂದ 9,000 ಸಾವುಗಳು ಪ್ರಪಂಚದಾದ್ಯಂತ ಸೋಂಕಿನಿಂದ ವರದಿಯಾಗುತ್ತಿವೆ ಎಂದು ಹೇಳಿದರು. “ಆದ್ದರಿಂದ ನಾವು ಸಾಂಕ್ರಾಮಿಕ ರೋಗವು ಮುಗಿದಿದೆ ಎಂದು ಹೇಳಿಲ್ಲ, ಇದರರ್ಥ ಎಲ್ಲಾ ಮುನ್ನೆಚ್ಚರಿಕೆಗಳು ಮತ್ತು ಸಾಧನಗಳನ್ನು ಬಳಸುವುದನ್ನು ಮುಂದುವರೆಸಿದೆ. ಒಳ್ಳೆಯದು, ನಾವು ಈಗ ಹಲವಾರು ಸಾಧನಗಳನ್ನು ಹೊಂದಿದ್ದೇವೆ. ಅತ್ಯಂತ ಮುಖ್ಯವಾದ ವಿಷಯವೆಂದರೆ ಲಸಿಕೆಗಳು ಎಂದು ಅವರು ಹೇಳಿದ್ದಾರೆ.
ಏತನ್ಮಧ್ಯೆ, ಭಾರತದಲ್ಲಿ ಭಾನುವಾರ 1,994 ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 23,432 ಕ್ಕೆ ಇಳಿದಿದೆ. ಭಾರತವು 24 ಗಂಟೆಗಳ ಅವಧಿಯಲ್ಲಿ 611 ಸಕ್ರಿಯ ಪ್ರಕರಣಗಳ ಇಳಿಕೆಯನ್ನು ವರದಿ ಮಾಡಿದೆ. ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, ಇದುವರೆಗೆ ದೇಶಾದ್ಯಂತ 219.55 ಕೋಟಿ ಕೊವಿಡ್ ಲಸಿಕೆಗಳನ್ನು ನೀಡಲಾಗಿದೆ
