ಮೀನಿ ಬಿಗ್‍ಬಾಸ್ ಸೀಸನ್ಗೆ ಎಂಟ್ರಿ ಕೊಟ್ಟಿರುವ ನಟಿ ನಯನ ನಾಗರಾಜ್ ಬರೀ ನಟಿ ಮಾತ್ರ ಅಲ್ಲ. ಒಳ್ಳೆಯ ಗಾಯಕಿ ಕೂಡ ಹೌದು. ವರ್ಷಗಳ ಹಿಂದೆಯೇ ಲೆಜೆಂಡರಿ ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಜೊತೆಗೆ ನಯನ ನಾಗರಾಜ್ ಕೋರಸ್ ಹಾಡಿರುವ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈಗ ಮೀನಿ ಬಿಗ್ ಬಾಸ್ ಮನೆಗೆ ಬರುವ ಸ್ಪರ್ಧಿಗಳನ್ನು ಅಕೂಲ್ ಬಾಲಾಜಿ ವೆಲ್ ಕಮ್ ಮಾಡುತ್ತಾ ಅವರ ಕುರಿತಾಗಿ ಸ್ಪರ್ಧಿಗಳಿಗೆ ತಮಗೆ ಗೊತ್ತಿರುವ ವಿಚಾರವನ್ನು ಹೇಳುತ್ತಾ ಪರಿಚಯ ಮಾಡಿಸುತ್ತಿದ್ದಾರೆ.
ಇದೆ ವೇಳೆಯಲ್ಲಿ ನಯನಾ ಮಾಡಿರುವ ದೊಡ್ಡ ಸಾಧನೆ ಯಾವುದು ಇನ್ನೂ ಏನು ಗೊತ್ತಾ? ಅವರು ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರ ಜೊತೆ ಹಾಡು ಹೇಳಿದ್ದಾರೆ ಎಂದು ಅಕೂಲ್ ಹೇಳಿದಾಗ ನಯನ ಎಳೆ ಎಳೆಯಾಗಿ ಅವರ ಸಿಹಿ ನೆನಪುಗಳನ್ನು ಎಲ್ಲರಿಗೂ ಹೇಳಿಕೊಂಡಿದ್ದಾರೆ. ೨೦೧೪ ರಲ್ಲಿ ಇಳಯರಾಜ ಅವರ ಗೌರವಾರ್ಥಕವಾಗಿ ನಡೆದಿರುವ ಲೈವ್ ಶೋನಲ್ಲಿ ೩ ಹಾಡುಗಳನ್ನು ಎಸ್.ಪಿ.ಬಾಲಸುಪ್ರಬ್ರಹ್ಮಣ್ಯಂ ಜೊತೆಗೆ ಕೋರಸ್ ಹಾಡಿದ್ದೇನೆ ಎಂದು ನಯನ ಮೀನಿ ಬಿಗ್ ಬಾಸ್ ಶೋ ಅಲ್ಲಿ ಹೇಳಿದ್ದಾರೆ. ಕೇಳದೇ ನಿಮಗೀಗ ಹಾಡಿಗೆ ನಾವು ೧೦ ಜನ ಕೋರಸ್ ಹಾಡಿದ್ದೇವೆ.
ಎಸ್ಬಿಬಿ ಅವರು ನಮ್ಮ ಜೊತೆಗೆ ಮಾತನಾಡಿ ಪ್ರಶಂಸೆ ವ್ಯಕ್ತಪಡಿಸಿದ್ರು. ನಾವು ಕೋರಸ್ ಹಾಡುಗಳನ್ನು ಹಾಡುತ್ತಾ ಇದ್ದೆವು ಎಂದು ನಯನ ಹೇಳಿದ್ದಾರೆ. ಹಾಗೆಯೇ ಮೀನಿ ಬಿಗ್‍ಬಾಸ್ ಮನೆಯಲ್ಲಿ ಕೇಳದೇ ನಿಮಗೀಗ ಹಾಡನ್ನು ನಯನ ನಾಗರಾಜ್ ಹಾಡಿದ್ರು. ಸಿಂಗರ್, ಡಾನ್ಸರ್ ಆಗಿರುವ ಗಿಣಿರಾಮ ನಟಿ ನಯನ ತಮ್ಮ ಮೊದಲ ದಿನವೇ ಸ್ಪರ್ಧಿಗಳಿಗೆ ಮೋಡಿ ಮಾಡುತ್ತಿದ್ದಾರೆ ಎಂದ್ರೆ ಅದು ತಪ್ಪಾಗಲಾರದು. ಈಗಾಗಲೇ ಅವರು ಎಸ್.ಪಿ.ಬಿ ನೆನೆಪುಗಳನ್ನು ಮನೆ ಮಂದಿಯ ಜೊತೆಗೆ ಹಂಚಿಕೊಂಡಿದ್ದನು ಕೇಳಿ ವೀಕ್ಷಕರು ನಯನ ನಾಗರಾಜ್ ಅವರನ್ನು ಮೆಚ್ಚಿಕೊಂಡಿದ್ದಾರೆ.
