ಮನುಷ್ಯನಿಗೆ ಮೈ ಕೈ ನೋವು, ಮೂಳೆ ನೋವು, ಕೀಲುನೋವು ಇವುಗಳು ತುಂಬಾ ತ್ರಾಸು ಕೊಡುತ್ತವೆ. ಇನ್ನು ಇದರ ಜೊತೆಗೆ ಕಂಡು ಬರುವಂತಹ ನರಗಳ ನೋವು ನಿಜಕ್ಕೂ ಅಸಹಜ ಸ್ಥಿತಿಯನ್ನು ತಂದುಕೊಡುತ್ತದೆ. ಏಕೆಂದರೆ ಸಾಧಾರಣ ನೋವಿಗಿಂತ ಇದು ತುಂಬಾ ನೋವುದಾಯಕ ಮತ್ತು ಅಷ್ಟೇ ತೊಂದರೆದಾಯಕ. ಹಾಗಾಗಿ ಇದನ್ನು ನಿರ್ಲಕ್ಷ ಮಾಡಬೇಡಿ. ಕೆಲವರಿಗೆ ನರಗಳ ತೊಂದರೆ ಮೊದಲಿನಿಂದಲೇ ಇರುತ್ತದೆ. ಇನ್ನು ಕೆಲವರಿಗೆ ಬಿದ್ದು ಗಾಯ ಮಾಡಿಕೊಂಡ ಸಮಯದಲ್ಲಿ ಜೀವನದ ಯಾವುದಾದರೂ ಒಂದು ಸಮಯದಲ್ಲಿ ಬರುತ್ತದೆ ಎಂದು ಹೇಳುತ್ತಾರೆ. ಆದರೆ ನರಗಳ ನೋವು ನಾವು ನೀವು ಅಂದುಕೊಂಡ ಹಾಗಲ್ಲ. ಇದಕ್ಕೆ ಬೇರೆ ಬೇರೆ ಕಾರಣಗಳು ಇರುತ್ತವೆ.
ಇದ್ದಕ್ಕಿದ್ದಂತೆ ನರಗಳ ನೋವು ಕಾಣಿಸಿಕೊಳ್ಳಲು ಕಾರಣಗಳು
ಯಾವಾಗ ನಮ್ಮ ಮೆದುಳಿನಲ್ಲಿ ಮತ್ತು ಬೆನ್ನುಹುರಿಯಲ್ಲಿ ಸಮಸ್ಯೆ ಕಾಣಿಸುತ್ತದೆ, ಆ ಸಂದರ್ಭದಲ್ಲಿ ನರಗಳ ನೋವು ವಿಪರೀತ ಮಟ್ಟಕ್ಕೆ ಹೋಗುತ್ತದೆ. ಮಾಂಸಖಂಡಗಳು ಮತ್ತು ಅಂಗಾಂಗಗಳ ನಡುವಿನ ನರಗಳಲ್ಲಿ ತೊಂದರೆ ಕಂಡುಬಂದರೂ ಸಹ ಇದೇ ರೀತಿ ಆಗುತ್ತದೆ. ವೈದ್ಯರ ಪ್ರಕಾರ ಕಾರಣಗಳನ್ನು ನೋಡುವುದಾದರೆ
೧) ಮೆದುಳು, ಬೆನ್ನುಹುರಿ ಅಥವಾ ದೇಹದ ಯಾವುದೇ ಭಾಗದಲ್ಲಿ ನರಗಳಿಗೆ ಉಂಟಾದ ಹಾನಿ.
೨) ಅತಿಯಾದ ಆಲ್ಕೋಹಾಲ್ ಸೇವನೆ.
೩) ಕೆಲವೊಂದು ಔಷಧಿಗಳನ್ನು ಸೇವಿಸುವುದರ ಅಡ್ಡ ಪರಿಣಾಮಗಳು.
೪) ದೇಹದಲ್ಲಿ ವಿಟಮಿನ್ ಬಿ1 ಅಥವಾ b12 ಕೊರತೆ ಕಂಡು ಬರುವುದು.
೫) ನರಗಳಿಗೆ ತುಂಬಾ ಕಡಿಮೆ ಪ್ರಮಾಣದಲ್ಲಿ ರಕ್ತ ೬)ಪೂರೈಕೆಯಾಗುವುದು.
೭) ಮಧುಮೇಹ.
೮) ಹೃದಯಸ್ತಂಭನ.
೯)ನರಗಳಲ್ಲಿ ಸೋಂಕುಗಳು ಉಂಟಾಗಿರುವುದು.
ಈಗ ಒಂದು ವೇಳೆ ಮೇಲಿನ ರೀತಿಯ ಸಮಸ್ಯೆಗಳು ನಿಮಗೂ ಕೂಡ ಕಂಡುಬಂದಲ್ಲಿ, ನೀವು ಏನು ಮಾಡಬಹುದು ಮತ್ತು ಅದಕ್ಕೆ ಪರಿಹಾರಗಳು ಏನು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.
ಸ್ನಾನ ಮಾಡುವಾಗ ಕಲ್ಲು ಉಪ್ಪು ಬಳಸುವುದು
ನರಗಳ ನೋವು ನಿವಾರಣೆಗೆ ಕಲ್ಲು ಉಪ್ಪು ಬಳಸುವುದು ತುಂಬಾ ಒಳ್ಳೆಯದು. ಏಕೆಂದರೆ ಇದರಲ್ಲಿ ಮ್ಯಾಗ್ನಿಷಿಯಂ ಹೆಚ್ಚಾಗಿರುತ್ತದೆ. ನಿಮಗೆ ಗೊತ್ತಿರಬೇಕು, ಮೆಗ್ನೀಷಿಯಂ ನಮ್ಮ ದೇಹದಲ್ಲಿ ನೈಸರ್ಗಿಕವಾಗಿ ಇರುವುದಿಲ್ಲ.
ಹಾಗಾಗಿ ಸ್ನಾನ ಮಾಡುವ ನೀರಿನಲ್ಲಿ ನಾವು ಕಲ್ಲು ಉಪ್ಪು ಸೇರಿಸಿ ಸ್ನಾನ ಮಾಡುವುದರಿಂದ ನಮ್ಮ ದೇಹದ ಮಾಂಸಖಂಡಗಳಿಗೆ ಮತ್ತು ನರನಾಡಿಗಳಿಗೆ ಅಗತ್ಯವಾಗಿ ಬೇಕಾದ ಮೆಗ್ನೀಷಿಯಂ ಸಿಗುತ್ತದೆ. ಇದರಿಂದ ನೋವು ಸಹ ಕಡಿಮೆ ಆಗುತ್ತದೆ.
ಇದಕ್ಕಾಗಿ ನೀವು ಏನು ಮಾಡಬಹುದು ಎಂದರೆ, ನೀವು ಸ್ನಾನ ಮಾಡುವ ನೀರಿಗೆ ಎರಡು ಕಲ್ಲುಪ್ಪು ಹಾಕಿ ಚೆನ್ನಾಗಿ ಕರಗಿಸಿ. ನಿಮಗೆ ಯಾವ ಭಾಗದಲ್ಲಿ ಹೆಚ್ಚಾಗಿ ನೋವಿದೆ ವಿಭಾಗವನ್ನು ಅರ್ಧ ಗಂಟೆಗಳಿಗಿಂತ ಹೆಚ್ಚು ಈ ನೀರಿನಲ್ಲಿ ಅದ್ದಿ ನೆನೆಸಿ. ಇದು ಕ್ರಮೇಣವಾಗಿ ನಿಮ್ಮನ್ನು ನೋವು ಮುಕ್ತರನ್ನಾಗಿ ಮಾಡುತ್ತದೆ.
ಆಹಾರ ಪದ್ಧತಿಯಲ್ಲಿ ಇರಲಿ ಅರಿಶಿನ
ಅರಿಶಿನದ ಆರೋಗ್ಯ ಪ್ರಯೋಜನಗಳು ಮತ್ತು ಔಷಧೀಯ ಗುಣ ಲಕ್ಷಣಗಳು ನಿಮಗೆ ಚಿರಪರಿಚಿತ. ಏಕೆಂದರೆ ಕೋವಿಡ್-19 ಸಾಂಕ್ರಾಮಿಕ ಸಂದರ್ಭ ನಿಮಗೆ ಹೇಳಿಕೊಟ್ಟಿದೆ. ನಿಜ ಹೇಳಬೇಕು ಎಂದರೆ ವೈದ್ಯರ ಪ್ರಕಾರ ಅರಿಶಿನ ತನ್ನಲ್ಲಿ ಅಪಾರ ಪ್ರಮಾಣದ ಔಷಧೀಯ ಲಕ್ಷಣಗಳನ್ನು ಹೊಂದಿದೆ. ಆಯುರ್ವೇದದಲ್ಲಿ ಅರಿಶಿನ ಮಹತ್ತರವಾದ ಸ್ಥಾನ ಪಡೆದಿದೆ.
ನಮ್ಮ ಅಡುಗೆ ಮನೆಗಳಲ್ಲಿ ಅರಿಸಿನ ಸಾಮಾನ್ಯವಾಗಿ ಇದ್ದೇ ಇರುತ್ತದೆ. ನಿಯಮಿತವಾಗಿ ನೋವು ನಿವಾರಣೆಗೆ ಅರಿಶಿನವನ್ನು ಬಳಸುವುದರಿಂದ ಅದರಲ್ಲಿರುವ ಆಂಟಿ ಇನ್ಫಾಮೇಟರಿ ಗುಣಲಕ್ಷಣಗಳು ನಿಮಗೆ ಸಿಕ್ಕಂತಾಗಿ ನೋವು ನಿವಾರಣೆಯಾಗುತ್ತದೆ.
ನಿಮ್ಮ ಆಹಾರ ಪದ್ಧತಿಯಲ್ಲಿ ಅರಿಸಿನವನ್ನು ಸೇರಿಸಿಕೊಳ್ಳುವುದರ ಜೊತೆಗೆ ರಾತ್ರಿಯ ಸಮಯದಲ್ಲಿ ಮಲಗುವ ಸಂದರ್ಭದಲ್ಲಿ ಒಂದು ಲೋಟ ಉಗುರು ಬೆಚ್ಚಗಿನ ಹಾಲಿಗೆ ಕಾಲು ಚಮಚ ಅರಿಶಿನ ಪುಡಿ ಸೇರಿಸಿ ಒಂದು ಚಿಟಿಕೆ ಕಪ್ಪು ಮೆಣಸಿನ ಪುಡಿಯನ್ನು ಹಾಕಿ ಹಾಲನ್ನು ಕುಡಿಯಬೇಕು. ಒಂದು ವಾರದವರೆಗೆ ಪ್ರತಿ ದಿನ ಒಂದು ಬಾರಿ ಈ ರೀತಿ ಹಾಲು ಕುಡಿಯುವುದರಿಂದ ಉತ್ತಮ ಪರಿಹಾರವನ್ನು ಕಂಡುಕೊಳ್ಳಬಹುದು.
ಆಪಲ್ ಸೈಡರ್ ವಿನೆಗರ್
ಆಪಲ್ ಸೈಡರ್ ವಿನೆಗರ್ ಸಹ ನಿಮ್ಮ ಸಾಕಷ್ಟು ಬಗೆಯ ನರಗಳ ತೊಂದರೆಯನ್ನು ಹೋಗಲಾಡಿಸುತ್ತದೆ. ಏಕೆಂದರೆ ಇದರಲ್ಲಿ ಸಹ ಮೆಗ್ನೀಷಿಯಂ, ಪೊಟ್ಯಾಶಿಯಂ, ಪಾಸ್ಪರಸ್, ಕ್ಯಾಲ್ಸಿಯಂ ಇರಲಿದ್ದು, ನರಗಳಲ್ಲಿ ಅತಿಯಾಗಿ ಕಂಡುಬರುವ ನೋವು ನಿವಾರಣೆಗೆ ಕೆಲಸ ಮಾಡುತ್ತದೆ. ಅಷ್ಟೇ ಅಲ್ಲದೆ ಆಪಲ್ ಸೈಡರ್ ವಿನೆಗರ್ ಆಂಟಿ ಇನ್ಫಾಮೇಟರಿ ಗುಣಲಕ್ಷಣಗಳನ್ನು ಒಳಗೊಂಡಿದ್ದು ನರಗಳ ನೋವಿನ ನಿವಾರಣೆಗೆ ಹೆಚ್ಚಾಗಿ ಕೆಲಸ ಮಾಡುತ್ತದೆ.
ಒಂದು ಲೋಟ ಉಗುರು ಬೆಚ್ಚಗಿನ ನೀರಿಗೆ ಎರಡರಿಂದ ಮೂರು ಟೇಬಲ್ ಚಮಚ ಆಪಲ್ ಸೈಡರ್ ವಿನಿಗರ್ ಸೇರಿಸಿ. ಇದಕ್ಕೆ ಒಂದು ಟೀ ಚಮಚ ಜೇನುತುಪ್ಪ ಹಾಕಿ. ಎಲ್ಲವನ್ನು ಚೆನ್ನಾಗಿ ಮಿಶ್ರಣ ಮಾಡಿ ದಿನಕ್ಕೆ ಎರಡು ಬಾರಿಯಂತೆ ಒಂದು ವಾರ ಸೇವಿಸಿದರೆ ನೋವಿನಿಂದ ಉಪಶಮನ ಕಾಣಬಹುದು
