ಇತ್ತೀಚಿನ ದಿನಗಳಲ್ಲಿ 40 ವರ್ಷ ಕಳೆಯುತ್ತಿದ್ದಂತೆ ಅಯ್ಯೋ ವಯಸ್ಸಾಯಿತು ಅನ್ನುವವರೇ ಹೆಚ್ಚು. ಜೊತೆಗೆ ಸೊಂಟ ನೋವು, ಮಂಡಿ ನೋವು ಹೀಗೆ ಸಾಕಷ್ಟು ಸಮಸ್ಯೆಗಳನ್ನು ಕಾಣಬಹುದು. ಆದರೆ ಇಲ್ಲೊಬ್ಬರು ಯುವಕರನ್ನೇ ನಾಚಿಸುವಂತೆ ಜಿಮ್ನಲ್ಲಿ ವರ್ಕ್ಟ್ ಮಾಡಿ ಫಿಟ್ನೆಸ್ ಮೆಂಟೇನ್ ಮಾಡುತ್ತಿದ್ದಾರೆ. ಇವರ ವಯಸ್ಸು ಕೇಳಿದ್ರೆ ನೀವು ದಂಗಾಗುವುದಂತೂ ಖಂಡಿತಾ. ಹೌದು ಕ್ಯಾಲಿಫೋರ್ನಿಯಾದ 103 ವಯಸ್ಸಿನ ತೆರೇಸಾ ಮೂರ್ ಎಂಬ ಅಜ್ಜಿ ಈಗಲೂ ಕೂಡ ವಾರದಲ್ಲಿ ಮೂರರಿಂದ ನಾಲ್ಕು ದಿನ ಜಿಮ್ನಲ್ಲಿ ವರ್ಕ್ಟ್ ಮಾಡಿ ಫಿಟ್ನೆಸ್ ಮೈಟೇನ್ ಮಾಡುತ್ತಿದ್ದಾರೆ. ಇದೀಗಾ ಅವರು ಜಿಮ್ನಲ್ಲಿ ವರ್ಕ್ಟ್ ಮಾಡುತ್ತಿದ್ದ ಪೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಟ್ವಿಟರ್ನಲ್ಲಿ ಹಂಚಿಕೊಂಡ ಪೋಸ್ಟ್ ಇಲ್ಲಿದೆ ನೋಡಿ
ಇತ್ತೀಚೆಗಷ್ಟೇ (ಮಾ.12) ಟ್ವಿಟರ್ನಲ್ಲಿ 103 ವಯಸ್ಸಿನ ಅಜ್ಜಿ ವರ್ಕ್ಟ್ ಮಾಡುತ್ತಿರುವ ಪೋಟೋವನ್ನು @Pubity ಎಂಬ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಕೆಲವೇ ಕ್ಷಣಗಳಲ್ಲಿ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋಗೆ ಸಾಕಷ್ಟು ಕಾಮೆಂಟ್‌ಗಳು ಮತ್ತು ಲೈಕ್‌ಗಳು ಕೂಡ ಹರಿದು ಬರುತ್ತಿವೆ.
ಈಗಷ್ಟೇ 18 ವಯಸ್ಸು ತುಂಬಿದ ಹೆಣ್ಣಿನಂತೆ ಮೇಕ್ಅಪ್ ಮಾಡಿಕೊಂಡು ಜಿಮ್ಗೆ ಬರುತ್ತಾರೆ. ಜೊತೆಗೆ ಈ ಇಳಿ ವಯಸ್ಸಿನಲ್ಲಿಯೂ ಕೂಡ ತನ್ನ ಸೌಂದರ್ಯದ ಬಗ್ಗೆ ಅಷ್ಟೇ ಕಾಳಜಿ ವಹಿಸುತ್ತಾರೆ. ಜೊತೆಗೆ ತನ್ನ ಸ್ನೇಹಿತರೊಂದಿಗೆ ಪಾರ್ಟಿಗಳಲ್ಲಿ ಸಮಯ ಕಳೆಯುತ್ತಾರೆ. ಈ ವಯಸ್ಸಿನಲ್ಲಿ ಹಾಯಾಗಿ ಸಂತೋಷದ ಜೀವನ ನಡೆಸುತ್ತಿದ್ದಾರೆ ಎಂದು ಮಗಳು ಶೀಲಾ ಮೂರ್ ಮಾಧ್ಯಮಗಳೊಂದಿಗೆ ಖುಷಿಯನ್ನು ಹಂಚಿಕೊಂಡಿದ್ದಾರೆ.
ತೆರೇಸಾ ಇಟಲಿಯಲ್ಲಿ ಜನಿಸಿದರು. 1946 ರಲ್ಲಿ, ಅವರು ಸೇನಾ ಅಧಿಕಾರಿಯನ್ನು ವಿವಾಹವಾದರು. ಅಂದಿನಿಂದ ಪ್ರಪಂಚದ ಅನೇಕ ದೇಶಗಳಿಗೆ ಭೇಟಿ ನೀಡಿದ್ದಾರೆ. ತನ್ನ ಮಗಳು ನನಗೆ ಸಾಕಷ್ಟು ಬೆಂಬಲ ನೀಡುತ್ತಾಳೆ ಎಂದು 103ನೇ ವಯಸ್ಸಿನ ಅಜ್ಜಿ ಹೇಳಿರುವುದು ನ್ಯೂಯಾರ್ಕ್ ಪೋಸ್ಟ್ ವರದಿಂದ ತಿಳಿದುಬಂದಿದೆ.
