ಬೆಂಗಳೂರು: ಡಾಕ್ಟರ್ ರಾಜ್ ಕುಮಾರ್ ಅವರ ಮಕ್ಕಳಾದ ಶಿವರಾಜ್ ಕುಮಾರ್ ಮತ್ತು ಪುನೀತ್ ರಾಜ್ ಕುಮಾರ್ ಕುಟುಂಬ ಗಾಜನೂರಿಗೆ ಭೇಟಿ ಕೊಟ್ಟಿದೆ. ಜೊತೆಗೆ ಹ್ಯಾಟ್ರಿಕ್ ಹೀರೋ ಮತ್ತು ಪವರ್ ಸ್ಟಾರ್ ಕುಟುಂಬ ಗಾಜನೂರಿಗೆ ತೆರಳಿ ಅಲ್ಲಿಯೇ ಒಂದು ದಿನ ಸಂಪೂರ್ಣವಾಗಿ ಕಳೆದಿದೆ. ಇನ್ನೂ ಈ ಸೇಲಿಬ್ರೆಟಿಗಳು ತಮ್ಮ ಹುಟ್ಟೂರಿಗೆ ಭೇಟಿ ಕೊಟ್ಟಿದ್ದರಿಂದ ಅಲ್ಲಿನ ಸ್ಥಳೀಯರ ಸಂಭ್ರಮ ಸಹ ಮುಗಿಲು ಮುಟ್ಟಿತು. ಇನ್ನೂ ಡಾ.ರಾಜ್ ಕುಮಾರ್ ಪುತ್ರರನ್ನು ಬಹಳ ಹತ್ತಿರದಿಂದ ನೋಡಿ ಸ್ಥಳೀಯರು ಬಹಳ ಸಂತಸದಿಂದ ಇದ್ದಾರೆ.
ಇನ್ನೂ ಹಿರಿ ಜೀವಗಳಿಗೆ ಮಾತ್ರ ತಮ್ಮೂರಿನ ಮಕ್ಕಳು ಬಂದಿದ್ದಾರೆಂಬ ಖುಷಿ ಬೇರೆ. ಒಟ್ಟಿನಲ್ಲಿ ಅಣ್ಣವ್ರ ಮಕ್ಕಳನ್ನು ಕಂಡ ಅಭಿಮಾನಿಗಳು ನಟರೊಂದಿಗೆ ಸೆಲ್ಫಿ ತೆಗೆದುಕೊಂಡು ಸಂತೋಷ ಪಟ್ಟಿದ್ದಾರೆ. ಇನ್ನೂ ನಟ ಶಿವರಾಜ್ ಕುಮಾರ್ ಅವರು ತಮ್ಮ ತಂದೆ ರಾಜ್ ಕುಮಾರ್ ಅವರ ಅಚ್ಚು ಮೆಚ್ಚಿನ ಆಲದ ಮರದ ಕೆಳಗಡೆ ಕುಳಿತು ಫೋಟೋ ತೆಗೆಸಿಕೊಂಡಿದ್ರು. ನಂತರ ಆ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ರು.
ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದ್ದು, ಜೊತೆಗೆ ಪವರ್ ಸ್ಟಾರ್ ಕೂಡ ತಮ್ಮ ಬಾಲ್ಯದ ಗೆಳೆಯರು ಮತ್ತು ಅಲ್ಲಿನ ಹಿರಿಯರೊಂದಿಗೆ ಫೋಟೋ ತೇಗಿಸಿಕೊಂಡು ಖುಷಿ ಪಟ್ರು. ಇನ್ನೂ ಗಾಜನೂರಿನಲ್ಲಿ ದೊಡ್ಮನೆ ಮಕ್ಕಳು ಒಂದು ಇಡೀ ದಿನ ಕಳೆದು, ಸಂಭ್ರಮ ಪಟ್ಟಿದ್ದಾರೆ. ಇನ್ನೂ ಶೂಟಿಂಗ್ ಸಮಯದಲ್ಲಿ ಬಿಡುವಿನ ವೇಳೆಯಲ್ಲಿ ಡಾ. ರಾಜ್ ಕುಮಾರ್ ಅವರು ಕೂಡ ಆಗಾಗ ಗಾಜನೂರಿಗೆ ಬಂದು ವಿಶ್ರಾಂತಿ ಪಡೆಯುತ್ರಿದ್ರಂತೆ.
