ಸಂತ ಮೀರ ಆಂಗ್ಲ ಮಾಧ್ಯಮ ಶಾಲೆಯ ಮೈದಾನದಲ್ಲಿ ಗುರುವಾರ ದಿನಾಂಕ 26/1/2023 ರಂದು ಸರಿಯಾಗಿ ಬೆಳಿಗ್ಗೆ 8.00 ಗಂಟೆಗೆ ಶಾಲೆಯ ಮೈದಾನದಲ್ಲಿ ಸಡಗರ ಸಂಭ್ರಮದೊಂದಿಗೆ ಧ್ವಜಾರೋಹಣ ಮತ್ತು ಸಂಪೂರ್ಣ ರಾಷ್ಟ್ರಗೀತೆ ಅಭಿಯಾನ ಜರುಗಿತು.
ಮುಖ್ಯ ಅತಿಥಿಗಳಾದ ಶ್ರೀಮತಿ ಅಲಕಾ ತಾಯಿ ಇನಾಮ್ದಾರ್ (ಅಖಿಲ ಭಾರತೀಯ ಸಹ ಕಾರ್ಯವಾಹಿಕಾ ರಾಷ್ಟ್ರ ಸೇವಿಕ ಸಮಿತಿ) ಆಗಮಿಸಿ ಧ್ವಜಾರೋಹಣ ಕಾರ್ಯಕ್ರಮ ನೆರವೇರಿಸಿದರು. ದೀಪ ಚಂದ್ರ ಸಿಂಗ್ (ಮಿಲಿಟರಿವ ವಿಂಗ ಕಮಾಂಡ) ಈ ಕಾರ್ಯಕ್ರಮಕ್ಕೆ ಉಪಸ್ಥಿತರಿದ್ದರು. ಗೌರವಾನ್ವಿತ ಅತಿಥಿಗಳಾದ ಶ್ರೀ ಕಿಶೋರ್ ಕಾಕಡೆ (ಚೇರ್ಮನ್ ಆಫ್ ಕಾಕಡೆ ಫೌಂಡೇಶನ್) ಶ್ರೀ ಪರಮೇಶ್ವರ ಹೆಗಡೆ ಚೇರ್ಮನ್ ಸ್ಕೂಲ್ ಮ್ಯಾನೇಜ್ ಕಮಿಟಿ, ಶ್ರೀ ರಾಘವೇಂದ್ರ ಕುಲಕರ್ಣಿ ಆಡಳಿತ ಅಧಿಕಾರಿ, ಶ್ರೀಮತಿ ಸುಜಾತ ದಪ್ತರದಾರ್ ಮುಖ್ಯಾಧ್ಯಾಪಕಿ, ಶ್ರೀಮತಿ ಋತುಜ ಜಾದವ್ ಸಹ ಮುಖ್ಯಾಧ್ಯಾಪಕಿ ಧ್ವಜಾರೋಹಣ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.
ಸಂಪೂರ್ಣ ರಾಷ್ಟ್ರಗೀತೆಯಲ್ಲಿ ಇತರ ಶಾಲೆಗಳಿಂದ ಆಗಮಿಸಿದ ಮಕ್ಕಳು ಶಾಲೆಯ ಆಡಳಿತ ಮಂಡಳಿ ಸದಸ್ಯರು ಜನಕಲ್ಯಾಣ ಟ್ರಸ್ಟ್ ಸದಸ್ಯರು ಸಂತ ಮೀರಾ ಶಾಲೆಯ ಎಲ್ಲ ಮಕ್ಕಳು, ಪಾಲಕರು, ಪ್ರೇಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಅಭೂತಪೂರ್ವ ರಾಷ್ಟ್ರಗೀತೆ ಅಭಿಯಾನಕ್ಕೆ ಸಾಕ್ಷಿಯಾದರು. ಎಲ್ಲ ಗಣ್ಯರಿಂದ ಸರಸ್ವತಿ, ಓಂಕಾರ, ಭಾರತಮಾತೆಗೆ ಪೂಜೆ ನೆರವೇರಿತು. ಶಾಲೆಯ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮವು ಪ್ರಾರಂಭವಾಯಿತು. ಅತಿಥಿಗಳ ಸ್ವಾಗತ ಮತ್ತು ಪರಿಚಯವನ್ನು ಕುಮಾರಿ ಅದಿತಿ ಹಿರೇಮಠ್ ಮಾಡಿದಳು. ಮಕ್ಕಳು ಸಾಮೂಹಿಕ ದೇಶಭಕ್ತಿ ಗೀತೆಯನ್ನು ಹಾಡಿದರು. ಶಾಲೆ ವಿದ್ಯಾರ್ಥಿ ಗಣರಾಜ್ಯೋತ್ಸವದ ಬಗ್ಗೆ ಮಾತನಾಡಿದನು. ಗೌರವಾನ್ವಿತ ಅತಿಥಿಗಳಾದ ಶ್ರೀ ಕಿಶೋರ್ ಕಾಕಡೆಯವರು ಇಂದಿನ ಮಕ್ಕಳು ನಾಳಿನ ಪ್ರಜೆಗಳು ಎಂದು ಹೇಳಿದರು.
ಅಧ್ಯಕ್ಷೀಯ ಭಾಷಣವನ್ನು ಶ್ರೀಯುತ ಪರಮೇಶ್ವರ್ ಹೆಗಡೆಯವರು ಮಾಡಿದರು. ಎಲ್ಲೆಡೆ ಸಂತಸ ಸ್ವಾಭಿಮಾನ ಭಾರತ ಮಾತೆಗೆ ಜಯ ಘೋಷಣೆಗಳು ಮುಗಿಲು ಮುಟ್ಟುವಂತಿತ್ತು. ವಿವಿಧ ಶಾಲೆಯ ಮಕ್ಕಳು ಪಾಲಕರು ಎಲ್ಲ ಶಿಕ್ಷಕ ಶಿಕ್ಷಕಿಯರು ಸಂತ ಮೀರಾ ಶಾಲೆಯ ಮಕ್ಕಳು ಮಿಲ್ಟ್ರಿ ಕಮಾಂಡೋರುಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು. ಒಟ್ಟು 1200 ಕ್ಕೂ ಹೆಚ್ಚು ಜನರು ಭಾಗವಹಿಸಿ 74ನೇ ಗಣರಾಜ್ಯೋತ್ಸವ ಮತ್ತು ರಾಷ್ಟ್ರಗೀತೆ ಅಭಿಯಾನಕ್ಕೆ ಸಾಕ್ಷಿಯಾದರು. ಕಾರ್ಯಕ್ರಮದ ನಿರೂಪಣೆಯನ್ನು ದೃಷ್ಟಿ ದನ್ನಾ ಮಾಡಿದಳು ಕಾರ್ಯಕ್ರಮದ ವಂದನಾರ್ಪಣೆಯನ್ನು ಕುಮಾರ್ ಸಾಹಿಲ್ ಗುಡೆಕರ್ ಮಾಡಿದನು. ಗಣರಾಜ್ಯೋತ್ಸವ ಬಗ್ಗೆ ಕುಮಾರಿ ಗೌಶಿಯ ಮಡಿವಾಳ್ ಮತ್ತು 10ನೇ ತರಗತಿಯ ವಿದ್ಯಾರ್ಥಿ ಪೃಥ್ವಿರಾಜ್ ಶಿಂದೆ ಮಾತನಾಡಿದರು.
ಭಾರತ ಮಾತೆಗೆ ಜೈಕಾರಗಳು, ಘೋಷಣೆಗಳು ಮುಗಿಲು ಮುಟ್ಟಿದವು. ಕಾರ್ಯಕ್ರಮವು ಶಾಂತಿಮಂತ್ರದೊಂದಿಗೆ ಮುಕ್ತಾಯಗೊಂಡಿತು. ಮಕ್ಕಳಿಗೆ ಸಿಹಿತಿಂಡಿ ಹಂಚಲಾಯಿತು. ಕಾರ್ಯಕ್ರಮದ ನಂತರ ಮೇಜರ್ ದೀಪ್ ಚಂದ್ರ ಸಿಂಗ್ ಮತ್ತು ಕಮಾಂಡ ಟೀಮ್ ಮಕ್ಕಳೊಂದಿಗೆ ಸಂವಾದ ನಡೆಸಿದರು. ಇದು ಎಲ್ಲರ ಗಮನ ಸೆಳೆಯಿತು.
